Accessibility links

ABŞ neft şirkəti Azərbaycandakı maraqlarını Macarıstan şirkətinə satdı


Chevron 21 Million Verdict

Chevron Korporasiyası müştərək şirkətlərinin cümə günü Azəri-Çıraq-Günəşli neft yataqlarındakı və Bakı-Tbilisi-Ceyhan boru kəmərinin Azərbaycana aid hissəsindəki maraqlarını satdığını elan edib. Korporasiya bu maraqları MOL Macarıstan Neft və Qaz PLC şirkətinə $1.57 milyard dollara satıb.

Chevron.com saytının yaydığı məlumata əsasən Chevron Global Ventures Ltd. AÇG yataqlarındakı maraqlarının 9.57%-ni satıb ki, bu da 2019-cu ildə gündəlik 20,000 barel neft hasilatı təşkil edir. Öz növbəsində Chevron BTC Pipeline Ltd. BTC layhəsindəki 8.9% maraqlarını satlıb.

"Chevron mütəmadi olaraq vəsaitlərin strateji və rəqabətcilliyini təmin etmək üçün qlobal portfoliosunu nəzərdən keçirir," deyə Cey Conson, şirkətin icraçı vitse-prezidenti elan edib. “Bu satış bizim divestisiya proqramımızın mühüm hissəsidir. Hədəf 2018-2020-ci illər arasında $5-10 milyard dollar həcmində vergidən əvvəlki mədaxildir.”

Chevron ABŞ-ın Kaliforniya ştatının San Ramon şəhərində qərargahlanır.

Neft qiymətlərinin COVID-19 pandemiyası başladıqdan bəri kəskin ucuzlaşması enerji şirkətlərinə böyük zərbə endirib. Qlobal təlabatın azalması nəticəsində ötən illə müqayisədə neft qiymətləri ən azı ikiqat ucuzlaşaraq enerji şirkətlərinin gəlirlərini xeyli azaldıb.

Əsasən Qərb şirkətləri Ilə bağlanmış müqavilələr əsasında hasil olunan neftin satışı Azərbaycanın dövlət büdcəsinin əhəmiyyətli kəsimini təşkil edir.

XS
SM
MD
LG