Accessibility links

Aleksandr Lukaşenko: Belarusa “supernüvə” silahları yerləşdirilə bilər


Aleksandr Lukaşenko Osipoviçski poliqonunda Belarus-Rusiya “Müttəfiqlərin Qətiyyəti - 2022” təlimlərini gedişi ilə tanış olduqdan sonra deyib ki, Qərbdən gələ biləcək təhdidlərə qarşı Belarusa “supernüvə” silahları yerləşdirilə bilər.

"Lazım gəlsə, rəqiblərimiz tərəfindən belə axmaq addımlar atılsa, ərazimizi qorumaq üçün yalnız nüvə deyil, həm də supernüvə və perspektivli silahlar yerləşdirəcəyik" BelTA dövlət xəbər agentliyi Lukaşenkodan sitat gətirib.

Eyni zamanda o bildirib ki, əgər qərbdən təhdid olmazsa, onda Belarusda nüvə silahı məsələsi ortaya çıxmayacaq.

"Buna burada 100 il də ehtiyac yoxdur" - deyə, Lukaşenko əlavə edib.

NATO-nun baş katibi Yens Stoltenberq Lukaşenkonun sözlərinə cavab olaraq deyib ki, NATO təhlükə deyil, müdafiə ittifaqıdır.

Rusiya-Belarus hərbi təlimləri
Rusiya-Belarus hərbi təlimləri

“NATO təhdid deyil, NATO müdafiə ittifaqıdır və biz 70 ildən artıqdır burada müdafiə etmək və qorumaq üçün olduğumuzu sübut etmişik” - deyə, İnterfax Stoltenberqdən sitat gətirib.

Stoltenberq “Alyans Rusiyanın nüvə silahlarına sərmayə qoyması nəticəsində yaranan təhlükə də daxil olmaqla, mövcud və gözlənilməz təhlükə şəraitində bütün müttəfiqlərini qoruya bilmək üçün lazımi addımlar ata bilər” deyib.

Bundan əlavə, Lukaşenko təlim poliqonuna səfəri zamanı Belarusun xarici işlər naziri Vladimir Makeanin fevralın 20-dən, Müttəfiq Qətnamə təlimi başa çatdıqdan sonra Rusiya qoşunlarının Belarus ərazisindən çıxarılması ilə bağlı verdiyi bəyanatı da şübhə altına alıb.

Lukaşenkonun sözlərinə görə, o, fevralın 18-də Moskvaya gedəcək və orada Rusiya prezidenti Vladimir Putinlə birgə qoşunların gələcək fəaliyyətini müzakirə edəcək.

Vladimir Makey bir gün əvvəl təlimlər başa çatdıqdan sonra Belarusda nə bir nəfər Rusiya hərbçisi, nə də bir dənə Rusiya texnikasının qalmayacağını demişdi.

Dünyaya Baxış

Dünyaya Baxış. Federal Təhqiqatlar Bürosu Trampın iqamətgahında axtarış aparıb
please wait

No media source currently available

0:00 0:12:42 0:00
XS
SM
MD
LG