Ukraynada gərginləşən münaqişə, COVID-19 pandemiyası və həmişə olduğu kimi iqtisadiyyat, çox güman ki, prezident Co Baydenin çərşənbə axşamı hesabat məruzəsi ilə bağlı ilk çıxışında üstünlük təşkil edəcək.
Konstitusiya ilə mandat verilən məruzə ABŞ prezidentləri üçün ilin ritorik bir məqamıdır və Bayden də istisna deyil. Ancaq Baydenin Konqresin birgə iclasında çıxış etməsinə baxmayaraq, builki məruzə xüsusilə çətin bir zamana təsadüf edir. Sanki bunu vurğulamaq üçün Kapitoli polisi bazar günü çıxış yerində əlavə ehtiyat tədbirləri gördüklərini bildirib.
Birləşmiş Ştatların Kapitoli polisinin rəisi Tom Manger deyib ki, ciddi ehtiyatlılıq baxımından Birləşmiş Ştatların Məxfi Xidməti ilə birlikdə müraciət üçün Kapitoli binasının ətrafına daxili perimetr hasarının çəkilməsi planı təsdiqlənib.
"Mən, həmçinin təhlükəsizlik tədbirlərinə yardım üçün kənar hüquq-mühafizə orqanlarından və Milli Qvardiyadan dəstək istədim" - deyə, Manger əlavə edib.
Administrasiya rəsmiləri deyirlər ki, Bayden dörd daxili iqtisadi prioritet üzərində dayanacaq: ABŞ-da istehsalın artırılması və təchizat zəncirlərinin gücləndirilməsi; malların qiymətlərini aşağı salmaq üçün iş; kiçik biznesləri qorumaq üçün ədalətli rəqabəti təşviq edilməsi; və yaxşı maaşlı işlərə maneələrin aradan qaldırılması.
Ağ Ev bildirir ki, Bayden Rusiyanın Ukraynaya təcavüzünü və dünyaya daha geniş baxışını müzakirə edəcək. Ağ Evin mətbuat katibi Cen Psaki deyib ki, Baydenin hesabatı Ukrayna böhranının bir çox aspektlərini əhatə edəcək.
“Prezident dünyanı demokratiyaya və Rusiya təcavüzünə qarşı ayağa qaldırmaq üçün göstərdiyimiz səyləri göstərəcək. Bu, təkcə Ukrayna xalqını hərbi və iqtisadi yardımla dəstəkləmək üçün atdığımız addımlardan deyil, həm də prezident (Vladimir) Putinə, onun yaxın çevrəsinə və amerikalılara ağır maliyyə sanksiyaları tətbiq edən qlobal koalisiya qurmaq üçün atdığı addımlardan, Rusiya iqtisadiyyatdan danışacaq. O, prezident Putinin Ukraynaya təcavüzünün qlobal iqtisadiyyata və Amerika xalqına təsirini yumşaltmaq üçün atdığı addımlardan danışacaq”, Psaki bildirib.
Son bir həftə ərzində Bayden Ukraynada artan böhranla bağlı üç çıxış edib.
Lakin təhlilçilər deyirlər ki, dərin siyasi cəhətdən parçalanmış ölkəsində Bayden İkinci Dünya Müharibəsindən sonra qlobal təhlükəsizliyə ən böyük təhdid kimi təsvir edəcəyi amillər haqqında çıxışının soyuq qəbul edilməsini gözləməlidir.
Son ictimai rəy sorğuları göstərir ki, prezidentin təsdiq reytinqi onun administrasiyasının ilk günlərindən, Gallup sorğusunun amerikalıların 57%-nin onun gördüyü işi bəyəndiyini bildirdiyi vaxtdan bəri aşağı düşüb. Eyni qrupun fevralın ilk yarısında keçirdiyi sorğuda Baydenin indi 41% iş təsdiq reytinqinə sahib olduğu müşahidə edilib.
Bazar ertəsi Respublikaçı Nümayəndələr Palatasında azlıqların lideri Kevin Makkarti çərşənbə axşamı günortadan sonra partiyasının üzvlərinin "Prezident Bayden və onun administrasiyasının məhəl qoymamağa davam etdiyi siyasətlərə müraciət etməyi planlaşdırdığı tədbirin virtual alternativ versiyasını keçirəcəyini açıqlayıb: ölkəmizin küçələrində artan cinayət, cənub sərhədimizdə xaos, ABŞ-ın son 40 ildə yaşadığı ən yüksək inflyasiya və təhsil imkanlarından məhrum olan milyonlarla ailə."
Prezidentlər adətən bu çıxışdan Konqresi öz daxili gündəmlərini və qəbul etmək istədikləri qanun layihələrini satmaq üçün istifadə edirlər.
Ostindəki Texas Universitetinin tarixçisi Jeremi Suri deyib ki, hər prezidentin hesabat məruzəsində əhatə edəcəyi bir mövzu olur.
"O, iqtisadiyyatın böyüdüyünü, işsizliyin aşağı olduğunu və düzgün istiqamətdə getdiyimizi və inflyasiyanın həll etmək üçün səylə çalışdığını və həll ediləcəyi problemlərin tədarük və pandemiya çətinlikləri ilə əlaqəli olduğunu iddia edəcək” - deyə, tarixçi bildirib.
Yüksək səviyyəli administrasiya rəsmisi bazar ertəsi jurnalistlərə deyib ki, “prezident daha çox iş görülməli olduğunu, iqtisadiyyatın dayanıqlığı, təhlükəsizliyi və davamlılığını bərpa etmək üçün daha çox işin olduğunu açıqlayacaq. Prezident tarixən güclü iqtisadi dirçəlişi davam etdirərkən Amerika ailələri üçün xərcləri azaltmaq planını ortaya qoyacaq”.
Hesabat məruzəsi çərşənbə axşamı (matın 1-də) Vaşinqton vaxtı ilə saat 21:00-da başlayır.
