Accessibility links

Məhsa Mehdili: Bu işğalın bədəlini Ukrayna ödəyir, ancaq təhlükədə olan sadəcə Ukrayna deyil


Məhsa Mehdili

Siyasi şərhçi Məhsa Mehdili Amerikanın Səsinə müsahibədə deyir ki, Ukrayna xalqı Rusiyaya qarşı sərgilədiyi dirənişlə vətənə və demokratik dəyərlərə sahib çıxmağın nə qədər dəyərli olduğunu bölgə xalqlarına öyrətdi.

please wait

No media source currently available

0:00 0:13:16 0:00

Məhsa Mehdili Rusyanın hücumunu sadəcə Ukraynanın ərazisinə qarşı deyil, eyni zamanda xalqın iradəsi və demokratiyanın yerləşməsinə qarşı bir “işğal hərəkəti” olaraq dəyərləndirir.

Ukrayna xalqı həm öz adına böyük bir tarix yazdı, həm də bölgə xalqları üçün bir umud və bir güc qaynağı göstərdi ki, müstəqilliyini və dəyərlərini hətta Rusiyaya qarşı müdafiə edə bilərsən.

“Rusiyanın bu işğal hərəkəti əslində Sovetlər Birliyi dağıldıqdan sonra müstəqilliyini qazanmış ölkələrdə xalqın iradəsi, demokratik sistemlərin qurulması, yerləşməsi və güclənməsinə qarşı bir işğal hərəkətidir. Millətə qarşı bir işğal hərəkətidir. Yəni sadəcə torpaq işğalı deyil. Rusiya öz qonşuluğunda demokratik dəyərlərə bağlı sistemlərin qurulmasını istəmir, Rusiyanın cızığından çıxmaq istəyən və ya Rusiyanın görmək istədiyi o sistemdən çıxmaq istəyən dövlət istəmir” - deyə, o ifadə edir.

Ukrayanada müharibə başlayandan bəri 2 milyona yaxın insan ölkədən qaçıb. Məhsa Mehdilinin sözlərinə görə, “bu bədəli Ukrayna ödəyir, ancaq bu işğal hərəkətinin təhlükəsi sadəcə Ukraynaya deyil. Ukraynanın işğalı Sovetlər Birliyinin dağılmasından sonra yenidən müstəqilliyini qazanan millətlər və dövlətlər üçün ciddi bir təhlükədir.”

Siyasi şərhçi Ukrayna xalqının dərs mahiyyətində olan bir dirəniş sərgilədiyini vurğulayır:

İran beynəlxalq normalar və qanunlara bağlı olmadığını və bu normaları nə qədər ayaqladığını Ukrayna məsələsində də göstərdi. Bunu Suriyada da gördük. İran bölgədə demokratik sistemlərin qurulması və işləyişinə qarşı işğalçılara və diktatorlara dəstək verməyi tərcih edir.

“Rusiya Ukraynada böyük bir dirəniş və müqavimətlə qarşı-qarşıya qaldı. Ukraynada işğala qarşı sərgilənən o dirəniş həqiqətən də vətənə, seçilmiş dövlətə və demokratik dəyərlərə sahib çıxmaq baxımından dünyada bir örnəkdir. Bu əslində Ukraynalıların bu savaşda nə qədər haqlı olduğunu göstərdi. Ukrayna xalqı yalnız buraxılmasına rəğmən, nəhəng görünən və ya göstərilən o gücə əli yalın qarşı çıxması ilə bizlərə də bir dərs keçdi. Ukrayna xalqı həm öz adına böyük bir tarix yazdı, həm də bölgə xalqları üçün bir umud və bir güc qaynağı göstərdi ki, müstəqilliyini və dəyərlərini hətta Rusiyaya qarşı müdafiə edə bilərsən.”

Məhsa Mehdili müsahibədə, həmçinin İran İslam Respublikasının mövqeyinə diqqət çəkərək deyir ki, “İran beynəlxalq normalar və qanunlara bağlı olmadığını və bu normaları nə qədər ayaqladığını Ukrayna məsələsində də göstərdi. Beynəlxalq normalarda bir ölkə öz hərbi güclərini icazə almadan başqa bir ölkənin içinə soxa bilməz. Bu bir işğal hərəkətidir. Artıq hərkəs bununla həmfikirdir. Ancaq, İran prezidenti elə işğalın ilk gecəsi Putinə bir dəstək telefonu açdı... İranın bu baxışını Suriya məsələsində də gördük. Demokratik gücləri əzən Əsədin yanında durdu. Yəni, İran bölgədə demokratik sistemlərin qurulması və işləyişinə qarşı işğalçılara və diktatorlara dəstək verməyi tərcih edir. Putin Ukraynaya hücumundan öncəki danışıqlarında o bölgələrin Rus imperiyası və qədim Rus torpaqları olduğunu iddia etmişdi. İran sisteminin də mahiyyəti budur. Baxın, İranşəhri düşüncəsinə sahib olanlar haradasa dünyanın neçə bucağına ora İran idi deyirlər. Bu, eyni psixologiyadır.”

Dünyaya Baxış

Dünyaya Baxış. Krımdakı vurulan Rusiya aviabazasının peyk görüntüləri yayımlanıb
please wait

No media source currently available

0:00 0:08:59 0:00
XS
SM
MD
LG