Accessibility links

ABŞ Dövlət Departamenti: Bioloji laboratoriyalarla bağlı iddialar yalandır


Dövlət Departamentinin sözçüsü Ned Prays 

ABŞ Dövlət Departamenti Qərbin Azərbaycan, Ermənistan, Qazaxıstan və Özbəkistan kimi ölkələrdə gizli bioloji tədqiqat laboratoriyaları yaratması ilə bağlı Rusiyanın iddialarını təkzib edib.

Dövlət Departamentinin mətbuat katibi Ned Prays mayın 9-da gündəlik brifinqdə Turan agentliynin müxbirinin bununla bağlı sualına cavabında deyib.

"Biz bilirik ki, bu, yalandır. Biz kimyəvi silah və bioloji silah üzrə konvensiyalarla bağlı öz mövqeyimizi çox dəqiq müəyyənləşdirmişik. Ukrayna və digər ölkələrin də mövqeyi belədir, amma bunu Rusiya haqda demək olmaz,” o, qeyd edib.

Öz növbsində Azərbaycan Dövlət Təhlükəsizliyi Xidməti Rusiya rəsmiləri tərəfindən Azərbaycanda bioloji silahlar üzrə üçüncü dövlətlərin elmi tədqiqatlar aparması barədə iddialarını təkzib edib.

Azərbaycan Dövlət Təhlükəsizliyi Xidmətinin 7 may tarixli bəyanatında deyilir ki, Azərbaycanda belə elmi mərkəzlər heç vaxt fəaliyyət göstərməyib, ölkə əhalisinin və ya qonşu dövlətlərin vətəndaşlarının sağlamlığına zərər vura biləcək hər hansı tədqiqatlar aparılmayıb.

“Bu qəbildən olan məlumatların Azərbaycan tərəfinin mövqeyi öyrənilmədən beynəlxalq tədbirlərdə, o cümlədən BMT kimi mötəbər təşkilatda bəyan edilməsi təəssüf doğurur,” bəyanatda qeyd edilir.

Sənəddə bildirilir ki, son zamanlar Azərbaycanda guya üçüncü ölkələrin maliyyə dəstəyi ilə bioloji silahlar üzrə elmi tədqiqatlar aparan mərkəzlərin fəaliyyət göstərməsi barədə bir neçə dəfə, o cümlədən beynəlxalq tədbirlər çərçivəsində Rusiya Federasiyasının təmsilçiləri tərəfindən müəyyən fikirlər səsləndirilib.

“Heç bir fakt göstərilmədən irəli sürülmüş bu mülahizələr respublikamızın ictimaiyyəti tərəfindən müəyyən narahatçılıqla qarşılanması müşahidə edilməkdədir,” DTX qeyd edir.

Azərbaycan Dövlət Təhlükəsizliyi Xidməti müqabil tərəfdən qaldırılan məsələ ilə bağlı konkret faktlar təqdim edildiyi halda onların araşdırılmasına hazır olduğunu bildirib.

Azərbaycan Dövlət Təhlükəsizlik Xidmətinin yaydığı məlumatda da Rusiyanın hansı qurumunun və konkret nə vaxt Azərbaycanda bioloji laboratoriyaların mövcudluğu barədə məlumat yaydığı aydın göstərilmir.

Dünyaya Baxış

AZE Daily 08 18 2022.mp4
please wait

No media source currently available

0:00 0:10:21 0:00

Amerika İcmalı

Amerika İcmalı. ABŞ Finlandiya və İsveçin NATO-ya qəbulunu bir addım daha yaxınlaşdırır.
please wait

No media source currently available

0:00 0:29:21 0:00
XS
SM
MD
LG