Azərbaycanda səfərdə olan Venesuela Bolivar Respublikasının Prezidenti Nikolas Maduronun nümayəndə heyətinin üzvlərinin COVID-19 testinin nəticələri pozitiv çıxıb.
Bu barədə Azərbaycanın dövlət agentliyi AZƏRTAC məlumat yayıb.
Məlumatda deyilir ki, Prezident İlham Əliyev iyunun 17-də Azərbaycanda işgüzar səfərdə olan Nikolas Maduro ilə videokonfrans formatında görüşüb.
“Görüşün videokonfrans formatında keçirilməsinə səbəb Venesuela nümayəndə heyətinin üzvlərində COVID-19 testinin nəticəsinin pozitiv çıxmasıdır," AZƏRTAC qeyd edib.