"Azerbaijani Youth Environment" (AYEP) mübadilə proqramının Azərbaycandan olan iştirakçılarının ABŞ-a 12 günlük səfəri başlayıb.
ABŞ Səfirliyinin məlumatına görə, AYEP proqramı iştirakçılara liderlik bacarıqlarını, yerli ekoloji vəziyyəti yaxşılaşdırmaq üçün layihələrin hazırlanması və həyata keçirilməsində öz icmalarına kömək etmək üçün istifadə edə biləcəkləri bacarıqları gücləndirməyə kömək edəcək.
“Massaçusets və Vermonta səfərləri zamanı onlar Amerika icmalarına səfər edərək Azərbaycana faydalı ola biləcək təcrübə toplayacaqlar,” məlumatda qeyd edilir.
