Accessibility links

Təbriz, Urmiyə və Həmədanda telekommunikasiya şirkətinin təqaüdçüləri piket keçirib


İranın telekommunikasiya şirkətinin təqaüdçüləri İran Azərbaycanı və ölkənin digər bölgələrində piket keçirib. İyulun 12-də təqribən 15 şəhərdə piketlərin təşkil olunduğu bildirilir.

Əmək hüquqlarını müdafiə qruplarının yaydığı məlumata görə, iyul ayının 12-də Tehran, Təbriz, Urmiyə, Həmədan və Qəzvin kimi şəhərlərdə aksiya keçirən təqaüdçülər məişət şəraitinə etiraz bildiriblər.

Sosial şəbəkələrdə yayılan görüntülərdə, Urmiyədəki piketə qatılan təqaüdçülərin əlində üzərlərində "süfrəmiz boşdur, vədlər bəsdir!", "utan telekommunikasiya şirkəti! Ədalət budurmu?" və "biz rifah layihəsinin tətbiq edilməsini istəyirik" kimi şüarların yazıldığı plakatlar görünür.

İyulun 12-də Təbriz Petrokimya şirkətinin işçiləri də piket keçirib. Yarı-rəsmi İLNA (Iranian Labour News Agency) agentliyinin məlumatına görə, petrokimya işçilər maaşların bərabərləşdirilməsi layihəsinin tam tətbiq edilməməsinə etiraz edirlər.

Keçən günlərdə Şərqi Azərbaycan vilayətində yerləşən Süngün mis mədəni kompleksində aksiya keçirən işçilər polis zorakılığına məruz qalıblar. İyul ayının 5-də başladılıb və azı 5 gün davam edən aksiyalarda təqribən 7 işçi nəzarət altına alınıb.

Dünyaya Baxış

AZE Daily 08 18 2022.mp4
please wait

No media source currently available

0:00 0:10:21 0:00

Amerika İcmalı

Amerika İcmalı. ABŞ Finlandiya və İsveçin NATO-ya qəbulunu bir addım daha yaxınlaşdırır.
please wait

No media source currently available

0:00 0:29:21 0:00
XS
SM
MD
LG