ABŞ-ın Azərbaycandakı Səfirliyi oktyabrın 5-də 2024-cü il üçün ABŞ “Müxtəliflik Vizası” Proqramının (Qrin Kart) başlanmasını elan edib.
Səfirlik bildirir ki, qeydiyyatı yalnız rəsmi https://dvprogram.state.gov saytı vasitəsi ilə aparılmalıdır:.
“Müraciətinizə yanlış məlumatlar əlavə edərək şansınızı artırmağı təklif edən viza məsləhətçilərindən çəkinin. Yanlış məlumatlar sizin müraciətinizi imtina edə bilər. Bir şəxs üçün birdən çox girişin təqdim edilməsi həmin şəxs üçün bütün girişləri diskvalifikasiya edəcək,” məlumatda qeyd edilir.
Müraciətlər noyabrın 8-də başa çatacaq.
Ərizəçilər üçün təlimatlarla yanaşı, fırıldaqçılıqla mübarizə üçün tövsiyələr verilir.
“ABŞ Müxtəliflik Vizası” Lotereyasına daxil olarkən, aldadılmadığınızdan və ya girişinizin diskvalifikasiya olunmadığından əmin olmağın ən əsas yolu travel.state.gov saytındakı Diversity Visa Program səhifəsindəki təlimatları oxumaq və onlara əməl etməkdir. Dürüst olmaq vacibdir. Saxta məlumatların daxil edilməsi və ya saxta sənədlərin təqdim edilməsi girişinizi ləğv edə və ya hətta sizi ABŞ-a getməyinizə mane ola bilər. Mümkünsə, formanı özünüz doldurun. Əgər köməyə ehtiyacınız varsa, sizə kömək edən şəxsin həqiqi məlumatlarınızı daxil etdiyinə əmin olun. Müraciətinizə yalan məlumat əlavə etməklə şansınızı artırmağı təklif edən viza məsləhətçilərindən çəkinin. Yalan məlumat sizi diskvalifikasiya edə bilər. Həm də pul tələb edən viza məsləhətçilərindən çəkinin, çünki onlar sizin qələbə şansınızı artıra biləcəklərini iddia edirlər. Biz məsləhətçilər ilə işləmirik və onlar sizin seçilmək şansınızı artıra bilməzlər,” deyə məlumatda qeyd edilir.
