Accessibility links

USAID–in Avropa və Avrasiya Bürosu üzrə müavini Azərbaycana səfər edir


USAID Administratorunun Avropa və Avrasiya Bürosu üzrə müavini səfir Erin MakKi (foto mənbə: ABŞ-ın Azərbaycandakı səfirliyi)
USAID Administratorunun Avropa və Avrasiya Bürosu üzrə müavini səfir Erin MakKi (foto mənbə: ABŞ-ın Azərbaycandakı səfirliyi)

Noyabrın 4-də USAID Administratorunun Avropa və Avrasiya Bürosu üzrə müavini səfir Erin MakKi Cənubi Qafqaza səfəri çərçivəsində Azərbaycana səfər edir.

Bu barədə ABŞ-ın Azərbaycandakı səfirliyi məlumat yayıb.

Məlumata görə, səfir MakKi bu səfərlə ABŞ və Azərbaycan arasında 30 illik güclü tərəfdaşlığı bir daha vurğulamış olacaq.

Diplomatın səfər gündəliyinə ABŞ-Azərbaycan münasibətləri və USAID-in Azərbaycan hökuməti ilə tərəfdaşlığını müzakirə etmək üçün kənd təsərrüfatı nazirinin müavini ilə görüş, Bakı Limanının Baş direktoru ilə nəqliyyat marşrutları və əlaqədar məsələlərlə bağlı müzakirələr daxildir. O, iqtisadiyyatda qadınlar üçün imkanların genişləndirilməsi ilə bağlı qadın liderlər və sahibkarlarla görüşəcək.

Erin MakKi münaqişə nəticəsində həlak olanların xatirəsini yad etmək üçün Şəhidlər xiyabanını da ziyarət edəcək.

"Səfir MakKi görüşlərində ABŞ-ın Azərbaycanın müstəqilliyinə və Cənubi Qafqazda davamlı sülhə dəstəyini vurğulayacaq, həmçinin Azərbaycan biznesləri və xarici ticarət tərəfdaşları arasında özəl sektorun əlaqəsini artırmaq, qadınların iqtisadi tərəqqisində irəliləyişləri təşviq etmək üçün USAID-in davamlı öhdəliklərini və regional ticarətdə və ərzaq qeyri-təhlükəsizliyin təsirinin azaldılmasında Azərbaycanın rolunun əhəmiyyətini vurğulayacaq", - səfirliyin məlumatında qeyd olunub.

Onu USAID təşkilatı rəhbərinin Avropa və Avrasiya Bürosu üzrə müavininin köməkçisi Dr. Aleksandr Sokolovski müşayiət edəcək.

Dünyaya Baxış

DB 07 19 2024.mp4
please wait
Embed

No media source currently available

0:00 0:11:52 0:00
XS
SM
MD
LG