Accessibility links

Bayden: Amerikalılar Martin Lüter Kinqin mirasına "diqqət yetirməlidir"


Prezident Co Bayden bazar günü Martin Lüter Kinqin doğum gününü qeyd etmək üçün "Amerikanın azadlıq kilsəsinə" tarixi ziyarət edib. O deyib ki, demokratiya təhlükəli andadır və vətəndaş hüquqları liderinin həyatı və irsi "bizə yol göstərir və biz buna diqqət verməliyik".

Ebenezer Baptist Kilsəsində bazar günü səhər xütbəsi oxuyan ilk prezident olaraq Bayden bir dəfə Kinqin xalqa verdiyi suala istinad edib. Bayden deyib: "O soruşub ki, biz buradan hara gedirik? Bu gün bu xalqa mesajım odur ki, avtokratiya əvəzinə demokratiyanı, xaos əvəzinə sevimli bir cəmiyyəti, möminləri və xəyalları seçərək, əməl etməklə, qorxuzuscasına həmişə imanı saxlamaqla biz irəli gedirik, birlikdə gedirik".

Bayden şiddətli zorakılıqdan cəmi iki il uzaqlaşan bölünmüş bir ölkədə toplananlara, seçkili rəsmilərə və nüfuzlu şəxslərə deyib ki, "bu millətin ruhu uğrunda mübarizə əbədidir. Bu, ümid və qorxu, xeyirxahlıq və qəddarlıq, ədalət və ədalətsizlik arasında daimi mübarizədir".

O, "irqçilik, ekstremizm, üsyan alveri" ilə məşğul olanlara qarşı çıxış edib və demokratiyanı qorumaq uğrunda mübarizənin məhkəmə binalarında və seçki qutularında, etiraz aksiyalarında və digər yollarla getdiyini bildirib.

Kilsənin baş keşişi, Demokrat senator Rafael Uornok Baydeni təqdim edərkən prezidentin "mömin katolik" olduğunu qeyd edib və onun üçün "bu baptist xidmətinin bir az çaşqın və canlı ola biləcəyini" bildirib.

Uornokun dediyi kimi "XX əsrin ən böyük Amerika peyğəmbəri" olan Kinq 1960-cı ildən 1968-ci ildə öldürülənə qədər keşiş vəzifəsində çalışıb.

Seçkilərdə həlledici rol oyanayan ştatlarının 2022-ci ildə yenidən seçilən Demokratlar kimi Uornok da kampaniya zamanı prezidentin təsdiq reytinqi geridə qaldığı və inflyasiya səviyyəsi yüksəldiyi üçün Baydendən məsafə saxlayırdı.

Ancaq seçkinin arxada qalması və qarşıda tam altı il müddətinin olması ilə Uornok Baydeni xidmətində tam dəstəkləyir.

O, Baydendən kilsənin ön hissəsinə gəlməsini və Ebenezerin üzvlərindən Baydenin qanunvericilik sahəsində əldə etdiyi bir sıra nailiyyətlərinə görə prezident üçün dua etmələrini istəyib.

"Bu, dostlarım, Allahın işidir" deyərək, Uornock və əlavə edib ki, bunda bir az da Baydenin payı var.

1929-cu il yanvarın 15-də anadan olan Kinq 39 yaşında öldürülüb.

O, 1964-cü il Mülki Hüquqlar Aktının və 1965-ci il Səsvermə Hüquqları Aktının qəbul edilməsinə yardım edib. İbadət mərasimində Kinqin ailə üzvləri, o cümlədən onun 95 yaşlı bacısı Kristin Kinq Farris iştirak edib.

Dünyaya Baxış

Dünyaya Baxış. Trampın ilk keçmiş ABŞ prezidenti kimi cinayət məhkəməsi başlayıb
please wait

No media source currently available

0:00 0:12:13 0:00

Amerika İcmalı

Amerika İcmalı. ABŞ-Yaponiya əlaqələri. ABŞ-ın Azərbaycan-Ermənistan sülh prosesində rolu.
please wait

No media source currently available

0:00 0:30:13 0:00
XS
SM
MD
LG