Accessibility links

Tədqiqat: San Xose ABŞ-da mühacirlərin ən çox inkişaf etdiyi şəhərdir


Tədqiqat: San Xose ABŞ-da mühacirlərin ən çox inkişaf etdiyi şəhərdir
please wait

No media source currently available

0:00 0:03:14 0:00

Gəlir, təhsil səviyyəsi və mənzil xərcləri kimi amilləri nəzərə alan hesabata görə, Kaliforniyanın Silikon vadisi texnoloji mərkəzinin bir hissəsi olan San Xose immiqrantların ən çox inkişaf etdiyi ABŞ şəhəridir.

2017-ci ildə Mişel Zhan Tietgens və həyat yoldaşı Çindən San Xoseyə köçüb. O, immiqrantların əhalinin demək olar ki, 40%-ni təşkil etdiyi bu şəhərdə özünü rahat hiss etdiyini deyir. Burada böyük bir Çin-Amerika icması da var. Ancaq onların özlərini həqiqətən evdə hiss etmələrinə maneələr də mövcuddur.

"Mədəni fərqlər, dil maneələri və sosial media normaları. Bu qədər problemlər. Mən immiqrantlarla yerli əhali arasında uçurum olduğunu hiss edirəm".

Biznes məktəbində oxumaq üçün Hindistandan gələn Hrişika Vuppala deyir ki, yerli multikulturalizm ona uyğunlaşmağa yardım edib.

"Çox tez, ətrafınızdakı insanlardan fərqli olduğunuzu hiss etmirsiniz və yaxın olan və hansısa şəkildə əlaqə saxlaya biləcəyiniz bir qrup tapırsınız".

Bunlar Silikon vadisində immiqrantların yalnız iki təcrübəsidir. Daha geniş insan kütləsini araşdıraraq, bu yaxınlarda aparılan bir araşdırma qeyri-rəsmi texnoloji paytaxt olan San Xoseni ABŞ-da immiqrantların inkişaf etdiyi birnömrəli şəhər kimi qiymətləndirib.

Tədqiqatçılar mühacirlərin yaşadığı şəhərlər, onların təhsil səviyyəsi, ev təsərrüfatları, gəlirləri və digər amilləri nəzərdən keçirib. Araşdırmanın müəllifi Corc Buş İnstitutundan Kallum Klark deyir:

"Əsas nəticə odur ki, San Xosedə dünyanın istənilən yerindən yüksək ixtisaslı texnoloqların olması əla bir şeydir".

Tədqiqatın nəticələri biznes, əmək, təhsil və icma liderlərinin alyansı olan Silikon vadisi Birgə Müəssisəsini idarə edən Russell Hancock üçün sürpriz olmayıb.

“İnsanlar heç vaxt unutmamalıdırlar ki, Silikon Vadisi yerli sakinlər tərəfindən tikilməyib. Silikon Vadisi başqa yerlərdən gələn insanlar tərəfindən salınıb. Bu gün də belədir”.

Ancaq San Xose sakini Rassel Hankokun öz qeydləri var.

"Silikon Vadisinin mənfi tərəfi var və bu, həqiqətən də yeganə mənfi cəhətdir. Burada yaşamaq çox bahadır".

Filippinli tibb bacısı Eliaho Salarda Nebraskada işlədikdən sonra bu yaxınlarda San Xoseyə köçüb.

"Bura gələndə düşündüm ki, mən buralıyam. Burada mənim kimiləri çoxdur”.

O, San Xoseni sevsə də…

"Kaş ki, burada ev ala bilsəydim. Ev almaq çox bahadır".

Zhan Tietgens deyir ki, immiqrantlar da daxil olmaqla, bölgədə zənginlər və yoxsullar arasında uçurum getdikcə genişlənir. O, mühacir icmaları ilə işləmək üçün bir təşkilat qurub.

"Cəmiyyət olaraq biz yeni mühacirlərin və yerli əhalinin bir araya gəlməsi, bir-biri ilə qarşılıqlı əlaqədə olması, bir-birini dəstəkləməsi üçün fürsət yaratmalıyıq".

Onun məqsədi amerikalılarla əcnəbilər arasında körpü yaratmaqdır ki, hamı çiçəklənə bilsin.

Dünyaya Baxış

DB 07 19 2024.mp4
please wait
Embed

No media source currently available

0:00 0:11:52 0:00
XS
SM
MD
LG