Accessibility links

Əmir Mərdani: İranın bu çalxantılı dönəmində milli hərəkat tələblərini daha şəffaf ortaya qoymalıdır


Əmir Mərdani
Əmir Mərdani

Siyasi fəal Əmir Mərdani Amerikanın Səsinə müsahibədə deyib ki, İrandakı son ümummilli etirazlardan sonra İran müxalifətində siyasi cərəyanlar arasında bir yaxınlaşma və ya birləşmə baş vermədi, ancaq əsas müxalif cərəyanların öz içlərindəki birlik və həmrəylik gücləndi.

Mərdani xaricdəki İran müxalifətinin dörd əsas xətdən ibarət olduğunu deyib.

"Müxalif cərəyanları dörd yerə bölə bilərik. Birincisi, İranın son şahının oğlunun ətrafında olanlar. İki, qeyri-fars millətlər. Üç, Xalqın Mücahidləri (MEK) və dörd, özlərini demokrat adlandıran ki, misal üçün cümhuriyyətçilər və feministlər kimi qruplardan ibarətdir. Etirazlardan sonra bunların arasında elə bir birlik yaranmayıb. Ancaq, bunların hər birisinin öz içində olan fərqli və çeşitli baxışlar öz aralarında daha birlik ola bildilər" , o bildirib.

Əmir Mərdani: İranın bu çalxantılı dönəmində milli hərəkat tələblərini daha şəffaf ortaya qoymalıdır
please wait

No media source currently available

0:00 0:10:34 0:00
Direct link

Siyasi fəalın sözlərinə görə, ümummilli etirazların ardınca əsas siyasi cərəyanlar öz görüşlərini daha şəffaf bir şəkildə ortaya qoyduqları üçün fərqli düşünən kəsimləri uzaqlaşdırsalar da, öz bazalarındakı sıraları daha çox birləşdirə bildilər:

"Son etirazlardan sonra hər kəsim çalışır ki, öz qüvvələrini bir yerə toplasın. Bu da şəffaflıqdan asılıdır. Misal üçün şahçılar öz niyyətlərini daha şəffaf ortaya qoyduqları üçün insanları özlərindən uzaqlaşdırırlar, ancaq özlərinə yaxın olanları bir yerə toplayıb cəmləşdiriblər. Dolayısı ilə hazırkı mərhələdə şəffaflıq əsasdır".

Əmir Mərdani deyib ki, şəffaf siyasətin əsas olduğu bu mərhələdə milli hərəkata mənsub qüvvələr "özünü senzura" tətbiqinə son qoymalıdırlar.

Onun dediklərinə görə, "İran artıq çalxalanır və biz bundan öncə özünü senzura siyasətinə yol vermiş olsaq da, indi tam zamanıdır ki, şəffaf şəkildə öz şüarlarımızla ortada olaq... Bizim böyük zəifliklərimizdən biri budur ki, biz millətimizlə çox şəffaf ola bilməmişik. Dolayısı ilə, millətimiz milli hərəkatın içində olan qüvvələrin fikirləri ilə o qədər də tanış ola bilməyib. Bu səbəbdən, millət bizim fikirləri bilmədiyi üçün bizim bazadan bizə rəqib düşüncələrə basqı gələ bilmir".

Mərdani əlavə edib ki, "bizdə biraz şəffaflıqdan qaçmaq var. Bəzi fəallar və təşkilatlarda özünü senzura var. Yəni, öz istəklərimizi ap-açıq demədən yola davam etmək istəyirik ki, bəlkə bizə qarşı olan siyasi qüvvələrin nəzərini özümüzə cəlb edək. Bu ilk başda siyasətçilik kimi görünə bilər. Ancaq, əməldə nəticə vermir. Biz özünü senzuraya davam etsək, öz millətimizin bizə olan baxışını itirəcəyik. Yəni, bizə rəqib qüvvələrə basqı gətirə bilən o güc və o potensialı itirəcəyik".

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG