ABŞ hökumətinin əməkdaşlarının əksəriyyətinin bazar ertəsi günortadan sonra Vaşinqtona gələcəyi gözlənilir. Bu barədə əməliyyatdan xəbərdar olan, lakin adının çəkilməsini istəməyən ABŞ rəsmisi Amerikanın Səsinə bildirib.
Eyni zamanda, Pentaqonun yüksək rütbəli rəsmisi Birləşmiş Ştatların mərkəzi Afrikanın hərbi toqquşmaların getdiyi bu ölkəsini tərk etmək istəyən digər amerikalılara kömək etmək üçün variantlar axtardığını bildirib.
"Bu yollardan biri Sudandan quru yolları potensial olaraq daha səmərəli etməkdir," müdafiə nazirinin xüsusi əməliyyatlar və münaqişələr üzrə köməkçisi Chris Maier şənbə günü axşam telefonla brifinqində deyib. "Müdafiə nazirliyi hazırda marşrutları müşahidə etmək və təhdidləri aşkar etmək üçün kəşfiyyat, müşahidə və kəşfiyyat imkanlarından istifadəni əhatə edə biləcək tədbirləri nəzərdən keçirir," o bildirib.
Vaşinqton qeyri-sabit təhlükəsizlik şəraiti və Xartumun əsas hava limanının bağlanması səbəbindən Sudanda özəl ABŞ vətəndaşlarının genişmiqyaslı təxliyəsini koordinasiya etməyi planlaşdırmır. Sudanda təxminən 16,000 amerikalının olduğu güman edilir, onların çoxu ikili vətəndaşlar və yardım işçiləridir.
ABŞ-ın Beynəlxalq İnkişaf Agentliyinin rəhbəri bazar günü Sudana fəlakətlərə yardım üzrə ekspertlər qrupu göndərdiyini bəyan edib. USAID-in rəhbəri Samanta Pauer bildirib ki, komanda əvvəlcə Keniyadan fəaliyyət göstərəcək.
Dövlət Departamenti nə qədər ABŞ vətəndaşının Sudanı tərk etmək niyyətində ola biləcəyini açıqlamaqdan imtina edib.
ABŞ dövlət katibi Antoni Blinken Dövlət Departamentinin Sudandakı amerikalılara onların təhlükəsizliyini planlaşdırmaqda yardım etməyə davam edəcəyini bildirib.
Həftə sonu ABŞ-ın xüsusi əməliyyat qüvvələri Cibutidəki bazadan uçan və Efiopiyada yanacaq dolduran vertolyotlardan istifadə edərək, ABŞ-ın Xartumdakı səfirliyindən bütün ABŞ diplomatlarını və onların ailələrini təxliyə edib. Evakuasiya zamanı onlara atəş açılmayıb.
Əməliyyat zamanı digər ölkələrdən də bir neçə diplomat təxliyə edilib.
