Ədliyyə orqanları bildirib ki, cümə günü İran hakimiyyəti ötən il Məhsa Əmininin həbsdə öldürülməsi ilə nəticələnən etirazlar zamanı İslam respublikasının təhlükəsizlik qüvvələrinə qarşı zorakılıqda günahkar bilinən üç nəfəri edam edib.
Məcid Kazemi, Saleh Mirhaşimi və Səid Yaqubi İsfahan şəhərinin mərkəzində təhlükəsizlik qüvvələrinin üç əməkdaşının ölümünə səbəb olan nümayiş zamanı silah çəkməyə görə "məhəribə" və ya "Allaha qarşı müharibə" ittihamı ilə məhkum edilib.
Bu barədə Mizan Online xəbər saytı məlumat yayıb.
Sentyabrın 16-da qadınlar üçün sərt geyim qaydalarını pozduğu iddiası ilə həbs edilən iranlı kürd 22 yaşlı Əmininin ölümündən sonra İran ümummilli etiraz dalğalarına səhnə olub. Tehranın ümumiyyətlə xaricdən qaynaqlanan “iğtişaşlar” kimi qələmə verdiyi etirazlar zamanı minlərlə iranlı həbs edilib, onlarla təhlükəsizlik qüvvələri də daxil olmaqla, yüzlərlə insan öldürülüb.
Edamları etirazlarla əlaqədar edam edilən iranlıların sayının 7-yə çatdırıb.
Kazemi, Mirhaşemi və Yaqubi noyabrda həbs edilib və yanvarda edam cəzasına məhkum edilib. Onlar, həmçinin "milli təhlükəsizliyi pozmaq niyyəti ilə qeyri-qanuni qruplara üzv olmaqda və daxili təhlükəsizliyə qarşı cinayətlərə səbəb olan sövdələşmədə" ittiham olunub", Mizan bildirib.
Qeyd edilib ki, "işdə olan sübut və sənədlər və təqsirləndirilən şəxslərin açıq-aydın ifadələri” “bu üç nəfər tərəfindən həyata keçirilən atışmaların üç təhlükəsizlik qüvvəsinin şəhid olmasına səbəb olub".
Onların işi xaricdə, o cümlədən Kazeminin ailəsinin bəzi üzvlərinin yaşadığı Avstraliyada narahatlıq yaradıb. Onun əmisi oğlu Məhəmməd Haşimi Avstraliyanın xarici işlər naziri Penni Vonqa açıq məktub yazaraq ondan dəstək istəyib.
"Məcidin cəmi 30 yaşı var. O, mərhəmətli, sevgi dolu və iradəli bir insandır. O, bir çox digər iranlılar kimi səsini ucaltmaq və dəyişiklik tələb etmək üçün dinc nümayişlərdə iştirak edib", - Haşimi məktubunda yazır.
Amnesty İnternational da daxil olmaqla, insan haqları qruplarına görə, İran ildə Çindən sonra daha çox insanı edam edir. Hakimiyyət keçən il dörd etirazçının edamını həyata keçirib və bu, beynəlxalq qınaqlara səbəb olub.
İlin əvvəlindən İran müxtəlif ittihamlarla edamların sayı artıb.
Norveçdə yerləşən İran İnsan Haqları (IHR) və Parisdə yerləşən "Ölüm Cəzasına Qarşı Birlik" təşkilatının aprel ayında birgə hesabatında deyilir ki, səlahiyyətlilər 2022-ci ildə əvvəlki ilə nisbətən 75% daha çox insanı asıblar.
Qruplar bildirib ki, keçən il İranda ən azı 582 nəfər edam edilib ki, bu da 2015-ci ildən bəri ölkədə ən yüksək edam sayıdır. Bu, 2021-ci ildə qeydə alınan 333 nəfərdən xeyli çoxdur.
Bu ayın əvvəlində BMT-nin hüquqları üzrə komissarı Volker Türk İranın bu il "iyrənc" rekordu ilə bağlı həyəcan təbili çalıb. Belə ki, hər həftə orta hesabla 10-dan çox adam öldürülüb.
