Accessibility links

Qarabağda Rusiya sülhməranlıları atəşə tutulub, ölənlər var


Azərbaycanın Qarabağ bölgəsində xidmət aparan Rusiya sülhməramlılarının olduğu avtomobil Canyataq kəndi yaxınlığındakı müşahidə məntəqəsindən qayıdarkən atəşə tutulub. TASS agentliyinin Rusiya Müdafiə nazirliyinə istinadən verdiyi məlumata görə, hadisə nəticəsində hərbçilər həlak olub.

“Sentyabrın 20-də Canyataq kəndi ərazisində Rusiya sülhməramlı kontingentinin müşahidə məntəqəsindən qayıdarkən Rusiya hərbçilərinin olduğu avtomobil atıcı silahlardan atəşə tutulub. Atışma nəticəsində avtomobildə olan Rusiya hərbçiləri həlak olublar”, - Rusiya Müdafiə Nazirliynin məlumatında bildirilir.

Hərbi idarədən qeyd edilib ki, Rusiya və Azərbaycan istintaq orqanlarının nümayəndələri hadisənin bütün detallarını aydınlaşdırmaq üçün hadisə yerində işləyirlər.

Rusiya Xarici İşlər Nazirliyinin rəsmi nümayəndəsi Mariya Zaxarova Teleqram kanalında bildirib ki, "həmişə olduğu kimi regionda sülh naminə zərbəni üzərinə götürərək həlak olan rus sülhməramlılarının xatirəsini yad edirik."

Forum

Dünyaya Baxış

DB 07 19 2024.mp4
please wait
Embed

No media source currently available

0:00 0:11:52 0:00
XS
SM
MD
LG