Kaliforniyadakı Dui Hua Fondu tanınmış uyğur folklorşünası Rahilə Davutun ilk dəfə yoxa çıxdıqdan təxminən altı il sonra Çin məhkəməsinin onu ömürlük həbs cəzasına məhkum etdiyi təsdiqləyib. Xəbər Davutun qızı Akida Pulat üçün sarsıdıcı oub. Belə ki, o, illərdir anasının tezliklə azadlığa çıxacağına ümid bəsləyirdi.
Pulat Amerikanın Səsinə deyib: “Son bir neçə ildir ki, anamın sağlamlığı və təhlükəsizliyindən narahatam. “Günahsız anamın ömrünün sonuna qədər həbsxanada qalmasını düşünmək məni çox hiddətləndirir və onun dərhal azadlığa çıxmasını istəyirəm”.
Davutun ömürlük həbsi Pekinin Uyğur ziyalılarının saxlanması və uyğur mədəniyyətinin məhv edilməsi ilə xarakterizə edilən Sincanda sui-istifadə kampaniyasının şiddətini vurğulayır.
Uyğur İnsan Haqları Layihəsinin məlumatına görə, bölgədə 300-dən çox uyğur ziyalısı saxlanılıb.
Dui Hua Fondunun icraçı direktoru Con Kamm Amerikanın Səsinə deyib: "Uyğurlar arasında ziyalılar, alimlər və professorlar çox yüksək qiymətləndirilir. Ona görə də onlara zərbə vurduqda, uyğur mədəniyyətinin tam ürəyinə zərbə vurursan".
Bölgədə əsasən uyğurlardan ibarət 3 milyona yaxın insanın özbaşına həbs edildiyi təxmin edilir.
Bir sıra ölkə, o cümlədən ABŞ Çin hökumətini Sincanda uyğurlara və digər müsəlman etnik qruplarına qarşı soyqırım və insanlığa qarşı cinayətlər törətməkdə ittiham edir.
Amerikanın Səsinə elektron poçtla göndərilən açıqlamada Çinin Vaşinqton səfirliyinin sözçüsü Davuta istinad edərək, “konkret işdən xəbəri olmadığını” deyib.
"Sizə deyə bilərəm ki, Çin qanuna əsaslanan ölkədir. Çinin məhkəmə qurumları işlərə ciddi şəkildə qanuna uyğun baxır", sözçüsü Liu Pengyu bildirib. O, həmçinin regionda soyqırım ilə bağlı xəbərləri təkzib edib.
Dui Hua Fondunun bildirdiyinə görə, ilk dəfə 2017-ci ildə yoxa çıxandan sonra Dawut 2018-ci ildə "parçalanma" cinayətinə görə mühakimə olunub. Çin hökumətinin uyğurları hədəf almaq üçün tez-tez istifadə etdiyi ittihamlar arasında parçalanma və ya separatizm də var.
Davut hökmdən apellyasiya şikayəti versə də, onun şikayəti rədd edilib. Onun nə vaxt ömürlük həbs cəzasına məhkum edildiyi bəlli deyil.
Tanınmış ziyalı olan Davut yoxa çıxanda bölgənin paytaxtı Urumçidəki Sincan Universitetinin professoru idi. Karyerası boyu o, uyğur folkloru ilə bağlı çoxsaylı kitab və məqalələr nəşr etdirib və dünyanın ən yaxşı universitetlərində mühazirələr oxuyub.
Forum