Accessibility links

Texas şəhərində nizamsız miqrant axınında sıçrayış qeydə alınıb


ABŞ-ın immiqrasiya orqanları ABŞ-Meksika sərhədində icazəsiz sərhəd keçidlərində, xüsusən merinin fövqəladə vəziyyət elan etdiyi Texas ştatının Eagle Pass kimi bölgələrində əhəmiyyətli artım qeydə alındığını bildirib.

Çərşənbə günü mətbuatın verdiyi məlumata görə, ABŞ Sərhəd Patrulunun əməkdaşları 24 saat ərzində bütün sərhəddə 9 minə yaxın miqrantı saxlayıb.

Amerikanın Səsi Sərhəd Patrulundan həbslərin sayını təsdiqləməsini istəyib, lakin adının açıqlanmasını istəməyən bir məmur onların aylıq miqrant qarşılaşmalarının sayının açıqlanmasını gözlədiklərini deyib.

Eagle Passa miqrant axınının nəzərəçarpacaq dərəcədə artması yerli resursları gərginləşdirib və onsuz da izdihamlı obyektlərin hədsiz şəkildə dolmasına səbəb olub.

Çərşənbə axşamı əksəriyyəti Venesueladan olan 500 ilə 800 arasında miqrant iki körpüdən biri olan Eagle Pass-Piedras Negras Beynəlxalq Körpüsü altında Sərhəd Patrulunun əməkdaşları tərəfindən qeydiyyata alınmalarını gözləyib.

ABŞ Gömrük və Sərhəd Mühafizəsi rəsmisi Amerikanın Səsinə deyib ki, ABŞ rəsmiləri tərəfindən tez-tez kimliyi açıqlanmadan jurnalistlərlə məlumat paylaşmaq üçün istifadə edilən üsul - CBP son bir neçə gündə miqrant axınına kömək etmək üçün Eagle Passda keçidləri dayandırıb.

İcazəsiz keçidlərin sayının artmasından sonra Eagle Pass Bələdiyyə Başçısı Rolando Salinas Jr. fövqəladə vəziyyət elan edib.

Son illər bölgənin miqrasiyanı tənzimləməsi adət halı alıb. Belə ki,i bu bölgə yeni gələnlərin ABŞ-a keçməsi üçün çox istifadə olunan bir nöqtəyə çevrilib.

Salinas çərşənbə günü fövqəladə vəziyyət elanında yazıb: "Fövqəladə vəziyyət bəyannaməsi bizə sənədsiz immiqrantların axınının səbəb olduğu əlavə xidmətlər üçün maliyyə resursları tələb etmək imkanı verir".

ABŞ səlahiyyətliləri miqrant axınının son vaxtlar artmasının konkret səbəbini izah edə bilmir. Bununla belə, onlar bunun adətən qaçaqmalçılar tərəfindən yayılan dezinformasiyanın, miqrantların vətənlərindəki iqtisadi çətinliklərin və nüfuzlu rejimlərdən qaçan miqrantların birləşməsi olduğunu deyir.

ABŞ Daxili Təhlükəsizlik Departamenti sərhəd zabitlərinə dəstək olmaq üçün ABŞ-Meksika sərhədi boyunca mühafizə tədbirlərini, o cümlədən 2500 Milli Qvardiya personalına əlavə hərbi personalı artırmağı planlaşdırdığını açıqlayıb.

İmmiqrasiya orqanları ABŞ-Meksika sərhədində avqust ayı miqrant axınının sayını açıqlamayıb, lakin son mövcud məlumata görə, iyul ayında təxminən 183 000 miqrant saxlanılıb. 2022-ci ildə bu göstərici 200 162 olub.

Forum

Dünyaya Baxış

DB 07 19 2024.mp4
please wait
Embed

No media source currently available

0:00 0:11:52 0:00
XS
SM
MD
LG