Accessibility links

Azərbaycanda zəlzələ olub


Azərbaycanda zəlzələ olub (Mənbə: Seysmoloji Xidmət Mərkəzi)
Azərbaycanda zəlzələ olub (Mənbə: Seysmoloji Xidmət Mərkəzi)

Azərbaycanda zəlzələ baş verib. Yanvarın 19-da Bakı vaxtilə saat 22.05-də qeydə alınan yeraltı təkanların maqnitudası 5,1-ə bərabər olub.

Bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzi məlumat yayıb.

Zəlzələ Saatlı, Şirvan, Salyan, Sabirabad və bəzi ətraf ərazilərdə hiss olunub.

Zəlzələ nəticəsində hər hansı dağıntı və ya xəsarət barədə bu vaxtadək Fövqəladə Hallar Nazirliyinə məlumat daxil olmayıb.

ABŞ hökumətinin Zəlzələ Təhlükələri Departamentinin məlumatına görə, zəlzələ Azərbaycanın Aran regionunun Salyan rayonu Qaraçala kəndindən 8,8 kilometr aralıda qeydə alınıb.

Forum

XS
SM
MD
LG