Accessibility links

Trampın ilk cinayət məhkəməsi martın 25-nə təyin edilib


Nyu York hakimi keçmiş ABŞ prezidentinin 2016-cı ildə porno ulduza susması üçün pul ödədiyini gizlətmək məqsədi ilə biznes qeydlərini saxtalaşdırmaq ittihamlarını aradan qaldırmaq təklifini rədd edərək, keçmiş ABŞ prezidentiliyi tarixində ilk cinayət mühakiməsi üçün zəmin yaradıb.

Hakim Xuan Merçan Trampın məhkəmənin noyabr seçkilərində prezidentliyi geri almaq kampaniyasına mane olacağına dair etirazına baxmayaraq, münsiflər heyətinin seçiminin martın 25-də başlayacağını deyib.

Kampaniya aparmaq əvəzinə Tramp həftə günləri keçiriləcək məhkəmə prosesində iştirak etməli olacaq. Bəzi vəkillər məhkəmə prosesinin altı həftə sürə biləcəyini təxmin etdiklərini bildirib.

77 yaşlı Tramp Respublikaçılar Partiyasından prezidentliyə namizədliyini irəli sürür. Çox güman ki, o, 2020-ci ildə məölub olduğu 81 yaşlı Demokrat prezident Co Baydenlə yenidən qarşılaşacaq. Bayden bu günə qədər səsvermə pozuntularına görə yenidən seçilməkdə saxtakarlıq etdiyini iddia edir.

Tramp 91 ittihamı əhatə edən misli görünməmiş dörd ittihamla üz-üzədir, ikisi 2020-ci il səsləri qeyri-qanuni şəkildə artırmağa çalışması, digəri isə prezidentlik müddəti 2021-ci ilin əvvəlində başa çatdıqda onu Floridadakı okean sahilindəki malikanəsinə qanunsuz olaraq yüksək məxfi sənədləri götürməklə bağlıdır.

O, bütün ittihamları rədd edib.

İttihamlardan hər hansı birinə görə təqsirli bilinsə, Tramp illərlə həbs cəzası ala bilər. Lakin o, məhkəmə çıxışlarında qarşı-qarşıya olduğu ittihamlara bağlı hazırcavab, alçaldıcı şikayətlərlə yanaşır və prokurorları onun yenidən prezidentliyə qalib gəlməsinə mane olmaqda ittiham edir.

Sabiq prezident cümə axşamı məhkəməyə gedərkən jurnalistlərə deyib: "Mən prezidentliyə namizəd olduğum və yaxşı irəlilədiyim üçün mənə qarşı iş açıblar".

Nyu-York işində Tramp 34 maddədən ibarət ittiham aktı onu porno aktyor Stormi Danielsə on il əvvəl məşhur golf turniri zamanı bir gecəlik görüşdə olduğu iddiasını açıqlamasın deyə 130 000 dollar ödədiyini ört-basdır etmək üçün biznes qeydlərini saxtalaşdırmaqda günahlandırılır.

Trampın Nyu-York işində əsas ittihamçısı onun bir vaxtlar vəkili və siyasi məsləhətçisi olan Maykl Kohendir. O, Danielsə susması üçün pul ödədiyini və sonra Tramp 2017-ci ildə prezident olduqdan sonra ona bir sıra ödənişlər şəklində pul ödədiyini bildirir.

Trampın digər cinayət mühakimələrinin nə vaxt başlaya biləcəyi məlum deyil. Keçən həftə Vaşinqtonda üç hakimdən ibarət federal apellyasiya məhkəməsi yekdilliklə qərar verib ki, Tramp prezidentliyinin azalan həftələrində etdiyi hərəkətlərlə 2020-ci ildə yenidən seçkilərdəki seçici səsələrini artırmaq üçün qanunsuz plan qurduğuna dair ittihamlarla üzləşməkdən azad deyil.

Tramp qərardan ABŞ Ali Məhkəməsinə şikayət edib.

Forum

XS
SM
MD
LG