Bazar günü polşalı fermerlər Aİ qaydalarına və vergilərinə qarşı etiraz olaraq Almaniyaya gedən böyük magistral yolu bağlayıblar. Avropadakı fermerlərin həftələrdir dediklərinə görə, onlar həddindən artıq məhdudlaşdırıcı ekoloji qaydalar, Avropa İttifaqı xaricindən ucuz idxalla rəqabət və aşağı gəlirlərə etiraz edir.
Əvvəlcə fermerlər 25 günlük blokada planlaşdırırdılar, lakin yerli nümayəndələr, müəssisələr və nəqliyyatçılarla söhbətlərdən sonra bu müddəti azaldıblar.
Polşalı fermer təşkilatçılarından Dariusz Urobel bazar ertəsi günü yeqin ki, yolun açılacağını" deyib.
"Bu, proqnozlaşdıra bilməyəcəyimiz şeylərdən asılı olacaq" - deyə, o, AFP-yə bildirib.
Bazar ertəsi Avropa İttifaqının kənd təsərrüfatı nazirləri Brüsseldə görüşməlidir. Onlar narazılığın əsasını təşkil edən qaydaların dəyişdirilməsini, məsələn, məhsulun yoxlanılmasının sayının azaldılmasını nəzərdə tutan yeni Avropa Komissiyası təkliflərini müzakirə edəcəklər.
Polşalı fermerlər Avropa İttifaqının enerji, nəqliyyat və vergilərə dair “Yaşıl sövdələşmə” adlanan 27 ölkənin istixana qazı tullantılarını azaltmaq təklifinin elementi olduğunu hədəflədiklərini deyirlər. Onlar xüsusilə vergilərin artırılması və digər qaydalardan zərər çəkdiklərini deyirlər.
Fermerlər həmçinin Polşanın Avropa İttifaqına üzv olmayan Ukrayna ilə sərhədindəki keçid məntəqələrini bağlayıb. Onların dediyinə görə, müharibədən əziyyət çəkən qonşularının daha ucuz məhsulları ilə ədalətsiz rəqabət var.
Cümə günü Polşa rəsmiləri ümumi sərhəddə polşalı fermerlərin həftələrlə davam edən etirazları nəticəsində yaranan gərginliyi həll etmək istəyən Ukraynanın baş nazirinin rəhbərlik etdiyi nümayəndə heyətini qəbul etməyib.
Polşa səlahiyyətliləri nümayişlərlə bağlı sərhəd görüşünə razı olmadıqlarını deyib. Ukrayna isə vəziyyətin ixracatını təhdid etdiyini və artıq üçüncü ilinə qədəm qoyan Rusiyaya qarşı müharibəsi üçün mühüm silahların tədarükünü dayandırdığını bildirir.
Forum