Qızının fevralın 29-da bildirdiyinə görə, İran mənşəli Almaniya vətəndaşı səhhəti ilə bağlı artan narahatlıqlara baxmayaraq, bir neçə həftəlik tibbi məzuniyyətdən sonra Tehrandakı həbsxanaya qaytarılıb.
Məryəm Klaren keçmiş Twitter hesabı olan X-də 69 yaşlı Nahid Taqavinin fevralın 28-də "özbaşına və heç bir məlum səbəb olmadan" geri, Evin həbsxanasına göndərildiyini bildirib.
Taqavinin tərəfdarları əvvəllər onun onurğa diskində yırtıq, şəkərli diabet və yüksək təzyiqdən əziyyət çəkdiyini bildiriblər. Klaren "son həftələr onun həkimlər tərəfindən ciddi şəkildə izlənilməli olan ağrılı bir göz xəstəliyinin inkişaf etdiyini" deyib.
Milli təhlükəsizlik ittihamı ilə 2020-ci ildən İranda saxlanılan Taqaviyə yanvarın 9-da elektron izləmə cihazı taxmaq və Tehrandakı evindən 1 kilometr məsafədə olmamaq şərti ilə ciddi şərtlərlə tibbi məzuniyyət verilib.
Qızının dediyinə görə, şərait onun lazımi tibbi yardım almasını demək olar ki, qeyri-mümkün edir.
Memar Taqavi 2021-ci ildə "qanunsuz qrupa rəhbərlik etmək"də təqsirli bilinib. Vəkilinin sözlərinə görə, o, 10 il müddətinə azadlıqdan məhrum edilib. O, uzun müddət təkadamlıq kamerada qalmağa məcbur olub.
Almaniya Xarici İşlər Nazirliyi Taqavinin yenidən həbsxanaya göndərilməsi qərarını pisləyib və bu qərarın "sağlamlığına açıq-aşkar etinasızlıqla qəbul edildiyini" bəyan edib.
Nazirlik Taqavinin ağır xəstə olduğunu və müalicə almalı olduğunu bildirib.
İnsan haqları qrupları və Qərb hökumətləri İranı xarici və ikili vətəndaşları digər ölkələrə məhbus mübadiləsi zamanı həbsdə olan iranlıları azad etməyə məcbur etmək üçün həbs etdiyini deyir.
Tehran dəfələrlə ikili vətəndaşlığı tanımadığını bildirib və xarici vətəndaşların siyasi səbəblərə görə həbs edildiyini inkar edib.
Forum