Çərşənbə günü Hanter Baydenin məhkəməsində münsiflər ABŞ prezidentinin oğlunu krak kokaindən istifadə edərkən tapança aldığı iddiasını araşdıran Federal Təhlükəsizlik Bürosu agentinin ifadəsini dinləyiblər.
Çərşənbə axşamı məhkəmə ABŞ prezidentinin ilk övladı Hanter Baydenin ağır narkotik istifadəçisi olduğu halda odlu silahı alarkən sənədlərdə bu barədə yalan danışması ilə bağlı iddianı dinlədi.
O, həmçinin Delaver ştatının Vilminqton federal məhkəməsində 2018-ci ilin oktyabrında 11 gün ərzində odlu silahı qanunsuz saxladığına görə mühakimə olunur.
FTB-nin xüsusi agenti Erika Censen müstəntiqlərin istifadə edilməyən noutbukdan dəlilləri, o cümlədən narkotikləri göstərən fotoşəkilləri necə əldə etdikləri haqda ifadə verdi.
Hanter Baydenin keçmiş həyat yoldaşı Keytlin Buhl şahid qismində dindirilən növbəti şəxs ola bilər.
Hanter Baydenin vəkili "o silahı alan zaman narkotik istifadə etmədiyini" və ona məxsus olduğu 11 gün ərzində "heç vaxt doldurulmadığını, heç vaxt daşınmadığını, istifadə edilmədiyini" deyir.
ABŞ-ın birinci xanımı Cil Bayden məhkəmənin hər günündə olduğu kimi, çərşənbə günü yenidən məhkəmədə idi. Prezident Co Biden isə öz növbəsində oğlu ilə "qürur duyduğunu" bildirən bir bəyanat verib.
Ağ Ev keçən il Hanter Baydenin mühakimə olunacağı təqdirdə prezident tərəfindən əfv edilməyəcəyini bildirmişdi.
Forum