Accessibility links

Aparıcı Demokratlar Baydenin 2024-cü il yarışından çıxmaq çağırışlarını rədd edir


ABŞ-ın aparıcı Demokratik liderləri Prezident Co Baydenin arxasında möhkəm dayanaraq, 2024-cü il seçki kampaniyasını dayandırmalı olduğu fikrini rədd edib. Bu fikir keçmiş prezident Donald Trampla Baydenin keçən həftə performansına görə səslənib.

Baydenin Demokratik müttəfiqləri 81 yaşlı Baydenin televiziya ilə nümayiş etdirilən 90 dəqiqəlik debatındakı çatışmazlıqlarını asanlıqla etiraf edib. Bayden çıxış zamanı bəzən cümləni tamamlaya bilməyib və bir anda səhvən hökumətin yaşlı amerikalılar üçün tibbi sığorta proqramı Medicare-i ləğv etdiyini deyib.

CBS-YouGov-un yeni sorğusu göstərib ki, amerikalılar 72-27% fərqlə Baydenin "prezident kimi xidmət etmək üçün əqli və idrak sağlamlığına" sahib olduğunu düşünmürlər. Bununla belə, Bayden və Trump arasında keçirilən milli sorğu hələ də rəqabətin bərabər olduğunu göstərib.

Demokrat Partiyasının aparıcı üzvləri bəzi sıravi demokratların və The New York Times və The Atlanta Journal-Constitution qəzetlərinin redaktorlarının Prezidentin daha gənc namizəd uğrunda yarışdan çıxmaq təklifini rədd edib.

"Qətiyyən yox. Pis debatlar olur. Sual budur ki, Donald Tramp indiyə qədər özündən və özü kimi insanlardan başqa kimlər üçün bir iş görüb? Mən Co Baydenin yanındayam və onun noyabrda finiş xəttini keçəcəyinə əmin olmaq bizim vəzifəmizdir” - deyə, Corciyadan olan Demokrat senator Rafael Uarnok NBC-nin “Meet the Press” proqramına bildirib.

Baydenin tanınmış tərəfdarı, Cənubi Karolina ştatının nümayəndəsi Cim Klibern CNN-in “State of the Union” verilişinə deyib: “İnanmıram ki, Co Baydenin növbəti dörd il üçün idarəçilik problemi var, çünki o, son üç il yarım il ərzində rəhbərlikdə əla iş görüb. Mən həmişə demişəm ki, gələcək davranışın ən yaxşı göstəricisi keçmiş performansdır”.

Merilend ştatının qubernatoru Ues Mur CBS-nin "Face the Nation" verilişində deyib ki, "prezident hər birimiz kimi çətin bir gecə keçirə bilərdi, lakin bu, onu 5 noyabr seçkilərindən kənarlaşdıra bilməz.

Bayden kampaniyası şənbə gecəsi maliyyə toplama müraciətində deyib ki, milli partiya qurultayından əvvəl Demokratik standart daşıyıcısı kimi əvəz etmək xaosa səbəb olacaq.

Trampın Respublikaçı tərəfdarları Baydenin zəif debat performansı ilə bağlı izahatları rədd edib.

Respublikaçılar Milli Komitəsinin keçmiş sədri və bir zamanlar Trampın Ağ Ev aparatının rəhbəri olan Reinse Pribus Baydenin yarışa girməsini “Co Baydenin sadəcə mənfi tərəfi” adlandırıb. O, ABC-nin "This Week” verilişində deyib ki, "bu, pis debat gecəsi deyildi. Bu, uyğunsuz demək olar ki, qeyri-mümkün bir qarışıqlıq idi".

Cənubi Karolinadan Respublikaçı senator Lindsi Qraham CNN-də prezident Bayden haqqında deyib: “O, layiqli insandır. Lakin uğursuz prezidentdir. Hekayə xətti budur. Dünya bunu gördü - uğursuz prezident."
Bayden yarışdan çıxmağı planlaşdırdığına dair heç bir işarə verməyib və əslində bunun tam əksini bildirib.

Debatdan bir gün sonra Bayden tərəfdarlarına deyib: “Mən gənc deyiləm. Əvvəlki kimi asanlıqla yerimirəm. Əvvəlki kimi rahat danışmıram. Əvvəlki kimi mübahisə etmirəm, amma bildiyimi bilirəm: həqiqəti necə deyəcəyimi bilirəm!”

Forum

Dünyaya Baxış

DB 07 19 2024.mp4
please wait
Embed

No media source currently available

0:00 0:11:52 0:00
XS
SM
MD
LG