Accessibility links

NATO Rusiya-Şimali Koreya hərbi əməkdaşlığını müzakirə edəcək


Ekspertlər bildirir ki, NATO-nun bu həftə keçirilməsi planlaşdırılan sammitində müttəfiqlər Rusiya və Şimali Koreya arasında hərbi əməkdaşlığın dərinləşməsinə qarşı Cənubi Koreya və Yaponiya ilə təhlükəsizlik əlaqələrinin gücləndirilməsi ilə bağlı müzakirələr aparılacaq.

NATO-nun 32 üzvünün liderləri iyulun 9-dan 11-dək Vaşinqtonda toplaşaraq, Rusiyaya qarşı özünü müdafiə üçün Ukraynaya davamlı hərbi dəstək vermə yollarını müzakirə edəcəklər.

Avstraliya, Yaponiya, Yeni Zelandiya və Cənubi Koreyanın daxil olduğu bəzən Hind-Sakit Okeanı 4 və ya IP4 adlandırılan qrup NATO sammitinə dəvət olunub. ABŞ, Yaponiya və Cənubi Koreya sammit çərçivəsində görüşməyi planlaşdırır.

Analitiklərin NATO-nun Yaponiya və Cənubi Koreya ilə müzakirə edəcəyini gözlədikləri məsələlər arasında Rusiya və Şimali Koreya arasında artan hərbi əməkdaşlıq da var.

“Rusiya-Şimali Koreya razılaşması həm NATO ölkələri, həm də Şimal-Şərqi Asiya ölkələri üçün problemdir”, RAND Korporasiyasının baş müdafiə analitiki Bruce Bennett deyib.

"Mən gözləyirəm ki, bu, görüşdə müzakirə olunacaq. Əgər o vaxta qədər kəşfiyyat Şimali Koreyanın Ukraynaya Rusiyaya dəstək üçün çoxlu hərbi personal göndərdiyini desə, bu, görüşün kritik aspektinə çevrilə bilər", Bennet bildirib.

Keçən ay Rusiya prezidenti Vladimir Putin və Şimali Koreya lideri Kim Çen In Pxenyanda qarşılıqlı müdafiə paktı imzaladıqdan sonra bəziləri Şimali Koreyanın müharibədən zərər çəkmiş bölgəni bərpa etmək üçün Rusiya tərəfindən işğal olunmuş Donetskə ordu mühəndislərini göndərə biləcəyini düşünür.

Pentaqonun mətbuat katibi general-mayor Patrik Rayder iyunun 25-də keçirdiyi mətbuat konfransında bildirib ki, ABŞ mümkün qoşun göndərilməsinə diqqət yetirir, lakin Şimali Koreyaya hərbi qüvvələr göndərilməsi ilə bağlı xəbərdarlıq edib və onların “Ukraynaya qarşı qeyri-qanuni müharibədə top yemi olacaqlarını” deyib.

"Şimali Koreya iyunun 27-də Rusiyanın Ukraynaya qarşı apardığı müharibəyə dəstəyini təzələyərək “ədalət savaşında biz həmişə Rusiya ordusunun tərəfində olacağıq” deyib.

Həm Vaşinqton, həm də Seul Pxenyanın Rusiyaya təxminən 10 min konteyner sursat göndərdiyini təxmin edib. Moskva və Pxenyan silah mübadiləsini inkar edir.

Forum

Dünyaya Baxış

DB 07 19 2024.mp4
please wait
Embed

No media source currently available

0:00 0:11:52 0:00
XS
SM
MD
LG