Accessibility links

Təbrizdə jurnalist Fatma Qulupur Gəncəliyə qarşı məhkəmə işi açılıb


Fatma Qulupur Gəncəli, jurnalist (Şəkil jurnalistin X hesabından götürülüb.)
Fatma Qulupur Gəncəli, jurnalist (Şəkil jurnalistin X hesabından götürülüb.)

Təbrizdə jurnalist Fatma Qulupur Gəncəliyə qarşı xəbərçilik fəaliyyətlərinə görə məhkəmə işi açıldığı bildirilir.

Hüquq müdafiəçiləri Rokna xəbər agentliyinə çalışan Fatma Qulupurun öz sosial media hesabında etdiyi paylaşımlara əsasən bu barədə məlumat yayıblar.

Qulupurun bir neçə gün əvvəl Təbrizin Qaraağac məhəlləsində məhərrəmlik mərasiminin keçirildiyi zaman baş verən və iki şəxsin ölümü ilə nəticələnən toqquşma ilə bağlı hazırladığı xəbər Rokna xəbər saytında dərc edilmişdi.

Jurnalist həmin xəbərlə əlaqədar öncə Təbrizdə kiber polis mərkəzinə çağırıldığını, sonra da haqqında məhkəmə işi açıldığını bildirib.

Fatma Qulupurun xəbərində Qaraağac məhəlləsində bir neçə şəxsin əllərində qəmə (xəncər) ilə matəm dəstəsinə hücumu nəticəsində 2 nəfərin öldüyü, 25 nəfərin isə yaralandığı qeyd edilib. Yaralananlar arasında məhərrəmlik mərasiminə tamaşa edən qadın və uşaqların da olduğu bildirilib.

Jurnalist öz X hesabında haqqında çox sürətli bir şəkildə iş açıldığına dair məlumat paylaşıb.

“Dosye nə qədər də tez açıldı! Dünən məni sorğu-sual edən məmur demişdi ki, sənin məhərrəmlik və Hüseyn dəstələri haqqında xəbər yaymağa haqqın yoxdur. Polisin fəaliyyətini sorğulamağa haqqın yoxdur” - deyə, jurnalist çərşənbə günü sosial mediada paylaşıb.

Fatma Qulupur Gəncəli adətən Təbriz şəhərində baş verən hadisələr və başda qadınlar olmaqla, zorakılıq qurbanları haqqında xəbərlər hazırlayır.

Forum

Dünyaya Baxış

DB 07 19 2024.mp4
please wait
Embed

No media source currently available

0:00 0:11:52 0:00
XS
SM
MD
LG