Çərşənbə axşamı Ağ Ev nəticələrın hələ tam təsdiqlənmədiyini qeyd etsə də, İraq hökumətini seçkilərin dinc şəkildə keçirilməsi münasibətilə təbrik edib.
Ağ Evin mətbuat katibi Cen Psaki jurnalistlərə verdiyi açıqlamasında "Erkən seçkilər keçirmək vədini yerinə yetirdiyinə görə İraq hökumətini təbrik edirik" deyib.
"Yekun nəticələr təsdiq edildikdən sonra ümid edirik ki, yeni şura İraq xalqının iradəsini əks etdirən bir hökumət quracaq" - deyə, Psaki bildirib.
Bazar ertəsi açıqlanan ilkin nəticələrə görə, İraq parlament seçkilərində din xadimi Müqtəda Əl-Sədrin partiyası səslərin çoxunu toplayıb.
İlkin nəticələrə əsaslanan hesablamalar göstərir ki, şiə müsəlman ruhanisi 329 yerlik parlamentdə 70-dən çox yer qazanıb.
Əl-Sədrin partiyası 73 yer qazandığını bildirib ki, bu da 54 nəfərlik yerdə sayı artırıb və hökumətin formalaşmasında ona böyük imkan verib.
Reuters xəbər agentliyi ilkin nəticələrə görə bildirib ki, növbəti böyük qələbəni şiə partiyalar arasında keçmiş baş nazir Nuri Əl-Maliki qazanıb.
ABŞ Dövlət Departamentinin sözçüsü Ned Prays yeni hökumətin "İraqın idarəçiliyi, təhlükəsizliyi və iqtisadi problemləri ilə mübarizə aparmalı" olacağını bildirib.
Sünni lider Səddam Hüseynin 2003-cü ildə devrilməsindən bəri İraq siyasətində şiə qruplar üstünlük təşkil edir. Səslərin nəticələri Əl-Sədrin partiyasının qalib olduğunu göstərərsə, bu, tendensiyanın davam etməsi demək olacaq.
