NATO rəsmilərinin bildirdiyinə görə, Özbəkistan Avropa nümayəndələrinə müttəfiq qüvvələrin onun ərazisindəki hava bazalarından istifadə edə bilməyəcəyi deyib. Rəsmilər bildirirlər ki, NATO özü belə bir nota almayıb, lakin Avropa ölkələri artıq xəbərdar edilmişlər. NATO-nun bu açıqlaması Özbəkistanla qərb ölkələri arasındakı əlaqələrin gərginləşdiyi bir vaxt verilib. Belə ki, münasibətlərin gərginləşməsinə keçən may ayı Əndican hadisələri səbəb olmuşdu. Xatırladaq ki, keçən həftə Avropa birliyi 12 özbək rəsmisinin bloka daxil olmasını bir il müddətinə qadağan etmişdi.