Beynəlxalq Valyuta Fondu sürətlə dəyişən qlobal iqtisadiyyatla ayaqlaşmaq üçün qurum daxilində yeni islahatlar həyata keçirməyi təklif edib. Təklifə əsasən Fondun qərar qəbul etmə prosesində inkişaf edən bazar iqtisadiyyatlarının rolunu genişləndirmək nəzərdə tutulur. Dünyanın ən iri kreditoru həmçinin özünün nəzarət mexanizminə də əl gəzdirməyi planlaşdırır. Fondun 184 üzv ölkəsi bahar görüşünü başa vuraraq təşkilatın rəhbərliyinə sentyabrda Sinqapurda keçiriləcək konfransadək konkret planlarla çıxış etməyi tövsiyə edir.