Prezident Buş və Gürcüstan prezidenti Mixail Saakaşvili Ağ Evdə danışıqlar keçirib. Görüşün diqqət mərkəzində təhlükəsizlik və ikitərəfli münasibətlərin müzakirəsi olub. Səfərlə bağlı açıqlamalarında ABŞ rəsmiləri bildiriblər ki, Gürcüstan Amerika Birləşmiş Ştatlarının çox mühüm bir regionda əsas müttəfiqidir və terrorizmə qarşı mübarizədə dəyərli partnyordur. Dövlət başçılarının Ağ Evdə görüşü zamanı Gürcüstanın demokratiya yolunda inkişafı, habelə Abxaziya və Cənubi Osetiya regionlarında münaqişələrin dinc həlli yolları müzakirə edilib.