Əfqan rəsmiləri bildirilər ki, Kabildə qərbliləri daşıyan maşına qarşı kamikadze hücumu həyata keçirilib. Hadisənin bir əfqan yeniyetmənin ölümü, bir neçə adamın ciddi yaralanması ilə nəticələndiyi xəbər verilir. Səfirlik nümayəndəsinin dediyinə görə, hücum zamanı ABŞ-ın Əfqanıstandakı səfiri Ronald Nyuman maşında olmayıb. Hücumun məsuliyyətini Taleban üzərinə götürüb. Əfqanıstanda qərb qüvvələri Taliban yaraqlılarının hücumlarına tez-tez məruz qalır.