Almaniya kansleri Ancela Merkel İsrail və Fəlsətin liderləri arasında sülh danışıqlarının bərpası məqsədi ilə Yaxın Şərqə səfər edib. Bu gün İsrailin baş naziri Ehud Olmertlə görüşən xanım Merkel deyib ki, sülhə doğru irəliləyiş imkanları mövcuddur. Almaniya kanselri Fələstin lideri Mahmud Abbasla da görüş keçirib. Avropa İttifaqının prezidentliyini icra edən Almaniyanın kansleri bundan əlavə Ərəb Liqasının 2002-ci ilin “ərazi sülh naminə” planının bərpası qərarını alqışlayıb.