Bağdadın Sədr qəsəbəsində minlərlə iraqlının təşkil etdiyi aksiya ABŞ və İraq qüvvələrinin reydlərinə qarşı etirazları bir daha nümayiş etdirib. Əllərində İraq bayraqları tutan aksiya iştirakçıları ABŞ-ın “işğalçı” adlandırdıqları qüvvələrinin reydlərini terrorizm, humanizmdən uzaq və mənəviyyatsızlıq kimi qiymətləndiriblər. Nümayişçilər Amerika bayraqlarını yandırıb, “Amerikya yox, şeytana yox” şüarları səsləndiriblər. ABŞ və İraq qüvvələri artıq 6 aya yaxındır təhlükəsizliyin təminat altına alınması məqsədi ilə Bağdadın Sədr qəsəbəsində vaxtaşırı reydlər keçirir.