İraq rəsmiləri deyir ki, ölkədəki bütün təhlükəsizlik şirkətlərinin əməliyyatlarına nəzarət olunacaq. Buna səbəb kimi ABŞ təhlükəsizlik kontarktorlarının Bağdadda atışmalardakı rolu göstərilir. Hökumətin sözçüsü Əli əl-Dabbaq deyib ki, Kabinet İraq qanunlarına uyğun olaraq, xarici və yerli təhlükəsizlik şirkətlərə nəzarət etmək qərarına gəlib. O bildirib ki, Kabinet həmçinin Daxili İşlər Nazirliyinin “Black Water USA”-in lisenziyasının əlindən alınması qərarını da dəstəkləyib. Qeyd edək ki, rəsmilərin itthamlarına görə, bazar günü bu şirkətin əmkdaşları İraqda 8 mülki vətəndaşı öldürüblər. Dünən isə ABŞ dövlət katibi Kondaliza Rays İraq baş naziri Nuri əl-Malikiyə zəng edərək, baş verən hadisə ilə bağlı öz təəssüfünü bildirib və insidentin tam araşdırılacağına söz verib.