Ayova ştatının respublikaçıları seçkiqabağı toplantılarını 2008-ci ilin yanvar ayının 3-nə təyin ediblər. Demokratlar da bu tarixlə razılaşıblar. Beləliklə Ayova prezident seçkilərində ilkin səsvermə keçirilən ilk ştat statusunu saxlamış olur. ABŞ siyasətçiləri üçün xüsusi əhəmiyyət kəsb edən bu ştatda adətən hər bir partiyanın namizədləri arasında seçim edilir. Əsas partiyaların 14 nominantının 13-ü bu ştatda dəstək əldə edib.