İraqın şimalındakı kürd yaraqlıları tərəfindən iki həftə əvvəl girov götürülən 8 türk əsgəri azad edilib. Separatist Kürdüstan Fəhlə Partiyası-PKK döyüşçüləri əsgərləri İraq hökumətinin regional nümayəndələrinə təhvil veriblər. Əsgərlər Türkiyənin İraqla sərhəd bölgəsində girov götürülmüşdü. Türk əsgərlərinin azad edilməsi İraqın baş naziri Nuri Əl-Malikinin hökumətin kürd döyüşçülərinə qarşı ciddi ölçülər götürdüyünü deməsindən bir gün sonraya təsadüf edir. İstanbul görüşündə çıxış edən baş nazir deyib ki, İraq qonşularına qarşı hücum bazası olmayacaq.