ABŞ Dövlət Departamentinin sözçüsü Şon Makkormak «Azadlıq» qəzetinin baş redaktoru Qənimət Zahidin həbsinə münasibət bildirib. Departament sözçüsünün verdiyi bəyanatda son aylar jurnalistlərə göstərilən təzyiqlərin təqib edilməsi fonunda Qənimət Zahidin noyabrın 11-i həbsi ilə bağlı dərin narahatlıq hissi ifadə olunur.
Şon Makkormak bundan əvvəl, oktyabrın 30-u müstəqil «Realnı Azerbaydjan» qəzetinin baş redaktoru Eynulla Fətullayevin terrorizm maddələri ilə 8,5 il həbs cəzasına məhkum olunmasını xatırladıb: “Bu hadisələr müstəqil və müxalifyönlü mətbuata qarşı məqsədli təzyiq kimi narahatlıq doğuran təmayülə işarə edir,” - deyə o, bildirib.