ABŞ ordusunun bildirdiyinə görə, koalisiya qüvvələri Əl-Qaidənin İraqdakı terrorçularını hədəfə alan reydlər zamanı 7 şübhəlini öldürüb, 10 nəfəri isə həbs ediblər. Ordu ölkənin Samarradakı əməliyyatda 6 terrorçunu öldürməyə müvəffəq olduğunu bildirib. Öldürülənlərin üçünün üzərində bomba yerləşdiyi aşkar olunub. 7-ci terrorçu isə Bağdadda keçirilən reydlər zamanı öldürülüb. Dünən ABŞ qüvvələri Bağdadın cənubunda 2 amerika əsgərini oğurlayan yaraqlıları ələ keçirmək üçün əməliyyatlar keçirmişdi. 2 Amerika əsgəri bu il may ayının 12-də Mahmudiyyə yaxınlığında əraziyə nəzarət edərkən yaraqlıların hücumu nəticəsində yoxa çıxmışdılar. İraq polisinin bildirdiyi başqa xəbərdə isə, Bağdadda çoxunun sünni ərəb olduğu iddia edilən 30 cəsəd tapıldığı deyilir.