ABŞ dövlət katibi Kondaliza Rays Dövlət Departamentinin rəsmisi Nikolas Börnzün təqaüdə çıxmağa hazırlaşdığını bəyan edib. Xanım Rays bu gün Vaşinqtonda jurnalistlərə bildirib ki, Dövlət Departamentinin 3-cü ən yüksək vəzifəli şəxsi cənab Börnz, mart ayına kimi vəzifəsində qalacaq. Dövlət katibinin siyasi məsələlər üzrə müavini, əvvəllər ABŞ-ın NATO-da və Yunanıstanda səfiri və Dövlət Departamentinin mətbuat katibi vəzifələrində çalışıb. O, ABŞ-ın BMT-nin İrana daha çox sanksiyalar tətbiq etmək səylərində və Hindistanla ziddiyyətli nüvə razılaşmasında baş müzakirəçisi olub.Prezident Buşun onun yerinə ABŞ-ın Rusiyadakı səfiri Vilyam Börnzü gətirməsi gözlənilir.