Pakistan təhlükəsizlik qüvvələrinin ölkənin Əfqanıstandakı səfiri Tariq Əzizuddinin axytarışını davam etdirdiyi bildirilir. Qeyd edək ki, səfir dünən, Əfqanıstanın paytaxtı Kabilə gedən zaman yolda yoxa çıxıb.
Pakistan polisinin bildirdiyinə görə, Əfqanıstanla sərhəddəki Dira İsmayıl Xan vilayətində iki nüvə enerjisi rəsmisi oğurlanıb. Rəsmilər deyirlər ki, oğurlanan şəxslər bu əraziyə geoloji yoxlanışlar aparmaq üçün getmişlər və onlarla birlikdə sürücüləri də oğurlanıb. Oğurlananların yaraqlılar və ya yerli cinayətkar dəstələr tərəfindən edildiyi hələlik məlum deyil.