Keniyada siyasi böhranı həll etmək üçün danışıq aparan tərəflər fasilədən istifadə edərək partiya rəhbərləri və tərəfdarları ilə məsləhətləşirlər. Sabiq BMT baş katibi Kofi Annan danışıqların bazar ertəsi bərpa olunacağını deyib. Müxalifət dünən yenidən nəticə əldə olunmadığı təqdirdə kütləvi etiraz aksiyaları keçirəcəyini bəyan edib. Cümə axşamı iki tərəf prinsipcə hakimiyyət bölgüsü haqda razılığa gəliblər. Bu sazişə əsasən, Keniyada müxalifət nümayəndəsinin tutacağı baş nazir vəzifəsi yaradılacaq.