İsrailin yaradılmasının 60-cı ildönümü münasibətilə bütün ölkə boyu hərbi paradlar və şoular keçirilir. İsrail hərbi hava qüvvələri Qüds, Tel-Əviv və Hayfa daxil olmaqla, 22 şəhərdə hava şouları keçirir. İsrail paraşütçüləri və hərbi donanması da Aralıq dənizi sahilində nümayişlər keçirir. İsrail bayrama dünən həlak olmuş əsgərlərin və terror qurbanlarının xatirəsini yad etməklə başlayıb.
Xalqa müraciətində İsrail parlamentinin spikeri Daliya İtzik İsrailin qeyri-adi uğur hekayəsi olduğunu bildirib. İsrail 1948-ci il, mayın 14-də müstəqilliyini elan edib. O vaxtdan bəri İsrail ərəb dövlətləri ilə 6 müharibə aparıb.