ABŞ Dövlət Katibi Kondoliza Rays Çini Mayda
Siçuan vilayətində baş verən zəlzələnin nəticələrini aradan qaldırmaq yönümündə
göstərdiyi səylərə görə alqışlayıb. O,
bu bəyanatı fəlakət zonasına səfəri zamanı açıqlayıb.
Dövlət Katibi Kondoliza Rays
zəlzələ qurbanları ilə görüşmüş və ciddi dağıntılara məruz qalmış Duciangyan
şəhərindəki çadır düşərgəsinə baş çəkmişdir.
“Bu xilasetmə səyləri və
insanların ruh yüksəkliyi məndə dərin təəssürat buraxıb,” deyə Rays
bildirib.
Yerli rəsmilər ona fəlakətin
fəsadları haqda məlumat veriblər. Xanım
Rays daha sonra ingiliscə uşaqlarla danışıb.
Zəlzələdən ölənlərin sayı 70 minə
yaxındır. Bir çoxları isə dağıntılar
altında qalmış və hələ də itkin düşmüş hesab edilir.
Xanım Rays Çinin zəlzələyə
reaksiyasını qonşu Birma hökumətinin siklona reaksiyası ilə müqayisə edib. May ayında orada baş vermiş Nərgiz siklonu
nəticəsində 130 min adam həlak olmuşdu.
ABŞ Dövlət Katibi Birma
hökumətini beynəlxalq yardım səylərini əngəlləməkdə günahlandırıb. Siçuandan xanım Rays paytaxt Pekinə
yollanıb. Orada o, Çin prezidenti Hu
Cinato və baş nazir Ven Ciabao ilə
görüşəcək.