Pakistan
təhlükəsizlik
qüvvələri deyir ki, ölkənin şimal-qərbində keçən həftə başlanan əməliyyatlar
zamanı 15 yaraqlı öldürülüb, 60-ı isə həbs edilib. Ordu sözçüsünün bildirdiyinə
görə, Hanqu mahalında keçirilən əməliyyatlar zamanı 5 əsgər yaralanıb. O,
missiyanın məqsədinin yaraqlıları Hanqudan təmizləmək olduğunu vurğulayıb.
Yerli təhlükəsizlik qüvvələri ilə militant qruplar arasında toqquşmalar bir
neçə gün davam edəndən sonra ordu əməliyyatlar keçirməyə başlayıb.