Əfqanıstan rəsmiləri deyir ki, yerli polisin
beynəlxalq qüvvələrin Taliban yaraqlıları olmasını zənn etməsindən sonra
koalisiya qüvvələrinin hava hücumu nəticəsində 9 polis işçisi həlak olub. Farah
vilayəti qubernatorunun müavininin sözlərinə görə, tərəflər arasında toqquşma
bu gün Farah vilayətinin Anar Derah mahalında baş verib. Hadisə ilə bağlı
ətraflı məlumat verilməyib. Həm NATO, həm də ABŞ koalisiya rəsmiləri insidentin
araşdırıldığını bildirir. Başqa bir xəbərdə isə deyilir ki, NATO qüvvələri
təsadüf nəticəsində 4 əfqan mülki vətandaşı öldürüb. Beynəlxalq Təhlükəsizliyə
Yardım Qüvvələrinin bildirdiyinə görə, bu hadisə də araşdırılır. Qeyd edək ki,
dünən də Paktiya vilayətində 3 mülki vətəndaş həlak olmuş, 4-ü isə
yaralanmışdı. Beynəlxalq Təhlükəsizliyə Yardım Qüvvələrin bədbəxt hadisəyə görə
dərin təəssüf hissi keçirdiyini bildirib.