Prezident seçilən Barak Obamanın Ağ Evin icra aparatınna rəhbər təyin etdiyi İllionos konqresmeni Rahm Emanuel iqtisadiyyatın yeni administrasiyanın birnömrəli prioriteti olacağını bildirib. ABC tele-şirkətinə müsahibəsi zamanı Emanuel deyib ki, Barak Obama ölkənin üzləşdiyi iqtisadi problemlərin həllindəki maneələri aradan qaldıracaq. O, Obamanın hər iki partiya ilə əməkdaşlıq etməklə ölkəni idarə və Amerikanın çətinliklərinin aradan qaldırılmasını həm demokratlar, həm də respublikaçıların iş birliyi ilə mümkün edəcək. Barak Obamanın keçid komandasının rəhbəri Con Podesta deyib ki, yeni prezidentin narahatlığı stimullaşdırma paketinin təsdiqi ilə bağlıdır.