İraqın xarici işlər naziri deyir ki, mövcud
fikir ayrılıqlarına baxmayaraq, ABŞ qoşunlarının İraqda qalma müddətinin
uzadılması paktının parlamentdə təsdiqini tapması üçün yaxşı imkan var. Hoşyar
Zebari bu çıxışı parlamentdə sazişin ikinci oxunuşunun keçirilməsi ilə eyni
vaxta təsadüf edib. Dünən keçirilən sessiya vaxtından əvvəl bitmişdi. Buna şiə
dini lider Möqtəda Əl-Sədrə sadiq qanunvericilərin zalda qarışıqlıq salması
səbəb olmuşdu. Bir qanunverici mühafizəçilərlə dalaşmışdı. Müxalif mövqelərə
baxmayaraq, razılaşmanın qəbul olunacağı gözlənilir. Çünki İraq baş naziri Nuri
Əl-Malikinin hakim koalisiyası qanunverici orqanda dominantlıq edir. Paktın parlamentdə səsverməyə noyabrın 24-də
qoyulacağı gözlənilir.