İrandakı
mənbələrin yaydığı xəbərlərə görə, azərbaycanlı fəallardan biri həbsdən azad
edilib. “Azad Təbriz” və başqa mənbələr bildirir ki, təxminən bir ay əvvəl həbs edilən Firuz Yusifi
müvəqqəti olaraq zaminə buraxılıb. Tehranın Peyme Nur Universitetinin Hüquq fakultəsinin
tələbəsi olan Firuz Yusifi həm də İran Ordusununu hərbi zabitidir. “Milli
Təhlükəsizliyin pozulmasına cəhd”də ittiham olunan fəal, 50 Milyon Tümən
dəyərində girov qoymaqla müvəqqəti azadlığa buraxılıb.
1 ay öncə Ettelaat
tərəfindən həbs olunan cənab Yusifi Tehranın “Evin” Həbsxanasının 209 saylı
qapalı təcridxanasında saxlanılıb. Onun həbsdə olduğu müddətdə istintaq
metodlarına və həbsinə qarşı etiraz əlaməti olaraq aclıq aksiyası keçirdiyi
barədə xəbərlər yayılmışdı.