Qəzza
zolağında Həmas yaraqlı qrupunu hədəf alan hava hücumları 4-cü gündür davam
edən vaxt İsrail rəsmiləri bu qrupla atəşkəs elan etməkdə maraqlı olmadığını
bildirib. Qəzzadakı hüquq-mühafizəçiləri deyir ki, bu gün İsrailin hücumları
nəticəsində 2 gənc qız daxil olmaqla 10 nəfər həlak olub. Hava zərbələri Həmas
hökumətinin 5 binası ilə yanaşı İslam Universitetinin binasını da dağıdıb.
Mümkün quru hücumuna hazırlıq üçün İsrail qoşunları, tanklar və zirehli hərbi
maşınlar İsrail-Qəzza sərhədinə yerləşdirilib. Fələstinli rəsmilərin sözlərinə
görə, şənbə günündən bəri çoxu Həmas yaraqlısı olmaqla 350-dən artıq insan
həlak olub, BMT-nin Qəzzadakı yardım agentliyi bildirir ki, ölənlər arasında 57
nəfər mülki vətəndaş da var.