Kiyevi qaz oğurluğunda ittiham edəndən sonra Rusiyanın
Qazprom şirkəti Avropa Birliyindən Ukrayna ərazisindən keçən qaz boru kəmərinə
nəzarət etməyi xahiş edib. Müraciət bu gün Moskvada ünvanlanıb. Rəsmi Moskva habelə Ukraynanın Qərb ölkələri
üçün nəzərdə tutulmuş 25 milyon kub metr qazı oğurlamaqda ittiham edib.
Ukraynanın Naftoqaz şirkəti iddiaları rədd edərək bildirib ki, Moskva şaxtalı
qış temperaturu ilə üzləşən Avropa ölkələrinə nəql edilən qazın miqdarını
azaldıb. Bu gwn Naftoqaz rəsmiləri bu iddianı dəfələrlə təkrar edib. Qaz
ehtiyatının 20 faizini Ukraynadan keçən boru kəməri vasitəsilə əldə edən Avropa
Birliyi mövcud transit kontraktlarına əməl olunmasını tələb edir. Hazırda Birliyin rotasiyalı prezidenti olan
Çex Respublikası isə hələlik mübahisəyə birbaşa münasibət bildirməkdən boyun
qaçırır.
Qiymət ətrafında uzun mübahisədən sonra Rusiya yanvarın 1-dən Ukraynaya qazın nəqlini dayandırıb. Buna baxmayaraq, Qazprom Ukrayna vasitəsilə Avropa ölkələrinə qazın nəqlini davam etdirir.
Qiymət ətrafında uzun mübahisədən sonra Rusiya yanvarın 1-dən Ukraynaya qazın nəqlini dayandırıb. Buna baxmayaraq, Qazprom Ukrayna vasitəsilə Avropa ölkələrinə qazın nəqlini davam etdirir.